Ndërprerja në kryeqytet nga demonstruesit e lëvizjes ndërkombëtare Extinction Rebellion (XR) që vazhdon në ditën e dytë

Policia ka arrestuar më shumë se 100 protestues mjedisorë, ndërsa demonstratat e XR, që sollën kaosin në qendër të Londrës hynin ditën e tyre të dytë.

Mijëra njerëz bllokuan të hënën katër pika të njohura — Ura e Waterloos, Marble Arch, Sheshi i Parlamentit dhe Cirkku i Oksfordit — për të kërkuar veprim urgjent mbi pwrshkallëzimin e klimës.

Bllokadat vazhduan gjatë gjithë ditës, por ndërsa nata ra, policët filluan të arrestonin njerëz në Urën Waterloo në një përpjekje për ta pastruar atë.

Protestuesve që kishin kaluar natën duke sfiduar policinë në urë ju bashkuan më shumë përkrahës të martën në mëngjes.

Disa njerëz kishin kycur dhe ngjitur veten në një kamion të parkuar në urë ndërsa të tjerët ishin ulur përreth duke ngrënë e duke pirë, ndërsa policët dhe një rrymë e vazhdueshme e udhëtarëve që kalonin shihnin ata.

Një nga ata të ngjitur në pjesën e poshtme të furgonit, Ben Moss, 42 vjeç, një drejtor i kompanisë nga Bristol, tha se kishte qenë atje që nga mesnata. “Është kohë drastike dhe koha drastike ka nevojë për masa drastike. Unë po marr veprime personale dhe përgjegjësi personale për krizën ekologjike dhe klimaterike. “

Ai tha se ishte duke e thyer ligjin për hir të brezave të ardhshëm. “Ndjehem shumë keq për shqetësimet që po shkaktojmë dhe nuk është asgjë personale, por shqetësimet me të cilën do të përballemi, nëse nuk trajtojmë këtë do të jetë shumë, shumë më keq”.

Policia metropolitane tha se kishte arrestuar 113 protestues gjatë natës, por demonstruesit thanë se të katër vendet mbetën nën kontrollin e tyre.

Policia nuk po arrestonte më njerëz në urë të martën në mëngjes dhe oficerët thanë se do të ndjekin një “përgjigje proporcionale” për një “protestë paqësore”. Disa demonstrues thanë se pritet që oficerët të presin deri në mbrëmje përpara se të përpiqen përsëri për të pastruar urën.

More than 100 people arrested in London climate change protests

Disruption in capital continues into second day following Extinction Rebellion actions

www.theguardian.com

Protestat janë pjesë e një fushate globale të organizuar nga grupi Britanik i klimës XR, me demonstrata të planifikuara në 80 qytete në 33 vende në ditët në vijim.

Grupi i ka bërë thirrje qeverisë së Mbretërisë së Bashkuar që të reduktojë emetimet e karbonit në zero deri në vitin 2025 dhe të krijojë një asamble qytetare për të hartuar një plan emergjence veprimi për të trajtuar shkatërrimin e klimës dhe humbjen e biodiversitetit.

Fushata përmend si frymëzim të drejtat civile dhe fushatat e sufragette (levizja e grave pr te drejten e votes ne fillim tw shekullit te kaluar) dhe mbështetet nga qindra shkencëtarë dhe akademikë, duke përfshirë ish-kryepeshkopin e Canterbury Rowan Williams.

Williams, i cili mori pjesë në protesta të hënën, tha një natë më parë se njerëzit kanë shpallur luftë mbi natyrën. “Ne jemi këtu sonte të deklarojmë se nuk dëshirojmë të jemi në luftë. Ne dëshirojmë të bëjmë paqe me veten duke bërë paqe me Tokën fqinjë dhe me Perëndinë tonë, “ tha ai.

Grupi i shkroi Terezës May të hënën duke përshkruar kërkesat e tyre dhe duke kërkuar bisedime. Në letrën, ata paralajmëruan se do të përshkallëzonin veprimet e tyre shkatërruese gjatë ditëve dhe javëve të ardhshme, nëse qeveria nuk vepron.

“Mos bëni asnjë gabim, njerëzit tashmë po vdesin”, tha letra. “Në botën e shumicës, komunitetet indigjene tani janë në prag të zhdukjes. Kjo krizë vetëm sa do të përkeqësohet … kryeministre, ju nuk mund ta injoroni më tej këtë krizë. Ne duhet të veprojmë tani. “

Organizatorët kanë thënë se shpresojnë se protesta do të zgjasë për disa ditë dhe se suksesi i saj varet nga numri i njerëzve që dëshirojnë të zënë vendet në ditët dhe netët në vazhdim.

Marre me shkurtime nga “The Guardian”