Hapet ankandi Fotovoltaik Hibrid, 300MW

ë hënën e 15 janarit është hapur ankandi Fotovoltaik Hibrid 300 MW, si burim për prodhimin e energjisë së gjelbër.

Lajmi është bërë me dije nga ministrja e Infrastrukturës dhe Energjisë, Belinda Balluku teksa theksoi se kjo po bëhet për rrugën e Shqipërisë 2030 si eksportuese neto e energjisë elektrike.

“Interesi ka qenë shumë i madh. Faza e testimit duhet ketë përfunduar. Karavasta do të fillojë të prodhojë duke i shtuar Republikës së Shqipërisë 140 mega nga energjia diellore”.

Ajo shtoi se “sot skuadrat tona duke punuar edhe me ekspertizën e BERZH kanë arritur nivel të kënaqshëm. Gjithçka është përmirësuar”.

Balluku nënvizoi se data e lançimit do të zgjasë deri më 10 korrik, ndërsa shtoi se afatet kohore duhen respektuar dhe se nuk do të ketë shtyerje të afatit.

“Sot Shqipëria ndodhet para një realiteti të ri dhe në një moment historik dhe të artë dhe për këtë ka nevojë për më shumë kontribut të burimeve njerëzore. Pasi i gjithë diskursi sot bëhet mbi burimet njerëzore dhe ne do të jemi të fokusuar në ngritjen  e kapaciteteve njerëzore dhe modernizimin e administratës”, tha Balluku.

Kjoe  fundit ju bëri thirrje “kompanive shqiptare dhe kompanive të huaja që të marrin pjesë në këtë ankand, ku dyshemeja e prodhimit minimal është 10 megawat/orë”.

Me një kapacitet maksimal prej 140 megawatt, Karavastaja është sistemi më i madh fotovoltaik në rajon dhe për pak ditë, do të jetë gati të fillojë dërgimin e energjisë elektrike në sistemin e transmetimit në Shqipëri.

Termocentrali diellor i Karavastasë do të marrë titullin e prodhuesit diellor më të madh rajonal nga Novaci në Maqedoninë e Veriut, i cili sapo është vënë në punë.

Ndërtimi i sistemit me kapacitet 140 mega ka filluar 15 muaj më parë. Veçanërisht, në prill kompania mori një kredi sindikale nga një grup i udhëhequr nga International Finance Corp. (IFC) dhe Banka Evropiane për Rindërtim dhe Zhvillim (BERZH).

Investitorët në pritje të ankandit të ardhshëm të energjisë diellore

Karavastaja ndodhet në qendrën në zhvillim të energjisë diellore të Shqipërisë në Divjakë, në perëndim. Vlera e projektit është 135 milionë euro.

Voltalia fitoi një marrëveshje afatgjatë të blerjes së energjisë elektrike, duke fituar një ankand të sponsorizuar nga shteti tre vjet më parë. Ajo doli në krye edhe në konkursin e mëposhtëm, në vitin 2021.

Kontrata e dytë është për një projekt të energjisë diellore 100 megawatt, të quajtur Spitalla, në zonën e Durrësit, pranë kryeqytetit.

Investitorët presin një thirrje publike për një ankand të energjisë diellore 300 megawatt, që nuk do të jetë specifike për vendndodhjen. Shqipëria kohët e fundit kaloi në procedurën e parë konkurruese të tenderit për energjinë e erës.

Karavastaja mund të humbasë vendin e parë në Ballkanin Perëndimor para kohe

Hidrocentralet përbëjnë ende pothuajse 100% të prodhimit të energjisë elektrike në Shqipëri.

Qeveria po punon për diversifikimin e përzierjes me energjinë diellore dhe lehtësimin e ndërtimit të parqeve të saj të para me erë dhe termocentraleve me gaz. Të paktën dy sisteme të tjera të mëdha fotovoltaike janë në ndërtim e sipër në Shqipëri.

Disa nga projektet PV që investitorët në Ballkanin Perëndimor po zhvillojnë maten në qindra megavat, megjithëse shumica janë në fazat e hershme.

Karavastaja kështu mund të humbasë edhe pozitën e saj në top listë shumë shpejt. Ka termocentrale diellore në ndërtim e sipër në Bosnje dhe Hercegovinë dhe Kosovë, prej 150 megawatt, secili në kapacitet maksimal.

Në rajonin më të gjerë të Ballkanit, termocentrali diellor Kalyon Karapınar, i vënë në punë së fundmi në Turqi, ka një rekord 1.35 gigawatt në kapacitet maksimal ose 1 gigawatt në terma të lidhjes.

Pra, nëse përllogaritet edhe Turqia në lojë, Karavastaja qëndron shumë poshtë këtij projekti në terma të prodhimit.

Por, sërish, është një investim i madh në sektorin energjetik shqiptar, pjesë edhe e projektit të eksportimit neto të energjisë brenda vitit 2030, gjë që do ta bënte Shqipërinë të parin vend të vetëmjaftueshëm dhe madje me tepri të energjisë në rajonin e Ballkanit Perëndimor.

Po ashtu për t’u vlerësuar është fakti se Shqipëria është ndër të paktat vende jo vetëm në Ballkan, por në gjithë Evropën, që resurset energjetike i ka të rinovueshme (të gjelbra), pasi bazohet tek burimet hidrologjike, diellore dhe eolike, e jo te hidrokarburet.

Nga Rajmonda Basha

Albanian Post